Della serie: “quarcò a g’aven guadagnà”
Sottotitolo: “abelinà sì, ma proprio abelinà abelinà, no”.
Storia dela Fortuna Briganta, quela che la ne premia i bravi ma la gente gnuranta
<<L’inizio.>>
Olivia: “O Paschì, te me venda quer tereno che ‘n te usa pù, tuto paléri e bòchi, c’a ghe vurei metere quarche piantina?”
Paschino: “Quarche piantina? Tipo quantei?”
Olivia: “Zinquantamila…”
Paschino: “A l’anima de quarche! Fameghe pensare… Te sé, a son ‘n’abile afarista me. Pensa c’ho pruvà a vender l’aria frita, ma a g’ho avù ‘r córpu de genio de darghe ‘n nome roboante: MASTERPLAN! E cussì, cume per magia… RATATATAPLAN! ho fato scumaparir le vache dela faturia, grodare ‘r borgo e scadenar na valanga de debiti che la sta rutulando ancora adè… Ma tuto per divertimento, perché ar saveo che prima o poi la Fortuna Briganta, quela che la ne premia i bravi ma la gente ignuranta, la m’avrei arsurisu… E che saresse piovù sòdi cume la rena. Ma tornando a noiautri, va ben, a me sento che st’uperazion la s’a da fare. Er tereno tuto paléri e bòchi a ter vendo davero.”
Olivia: “Sì, ma a ‘na cundizion. Ho visto che la gente der posto, ma anche quela furesta, la g’ha ‘r vizio de pasigiarghe drento. Nun solu coi pé, ma anche ‘n bicicleta, ‘ste sanguete! Sta cosa la m’enfastidissa. Se ‘na roba l’è la meva, l’è la meva e basta. A vòi ciudir tuto senza discusion!”
Paschino: “Mmmmh… a la vedo dura. La gh’è na lege che la disa che le abitudini dela gente i devento diriti. Cume la se ciama? A ghe l’ho sula punta dela lengua…”
Olivia: “Te vo dir l’usucapón?”
Paschino: “Sì, ar forno cun le patate…”
Olivia: “No, vabè, alora lassen perdere; a n’en voi d’intrusi ‘n t’la me pruprietà!”
Paschino: “E speta n’atimo! Me ven ‘n mento c’a cognossu ‘n sistema ch’i ghe farà felici senza armeterghe ‘n quatrin…”
Olivia: “E già, te te sen ‘n mago…”
Paschino: “Sì, e la parola magica la se ciama Cunvenzion. L’è facile: anden ‘n Comune e a ghe disen: te vò far caminar la gente ‘n ter tereno privà? Benissimo! Firma sta Cunvenzion! Dato c’a sen boni e cari, a te cunceden de passar intorno PURCHE’ te, Comune, te me permeta de cambiar i passagi e te sistema a to spese tuti i passagi nòvi, e te t’empegna a mantegnir, sempre a to spese eh!, tuuuti i ponteti e i rigòi cun le ciuse…”
Olivia: “E daaai! Ma te pensa ch’i sio cussì abelinà? Primo, te l’è ito te: i san d’averghe dirito a l’usucapón”
Paschino: “Sì, ar forno cun le patate…”
Olivia: “Sì, ‘nsoma, d’averghe dirito legale de passo sui veci caminamenti: perché i duvresso vuler spendere d’i sòdi per rifar ‘sti passagi nòvi? Ghe vuresso, a credo, pù o meno trezentomila fiurin! E i ponteti, po’: che ‘nteresse i pon averghe a mantegnirgi a loro spese quandu a sarei me, coi me tratori e i me tagiaerba, quelo ch’i gi aruvina de pù; e i rigòi cun le ciuse? A son me c’a g’ho pu ‘nteresse a mantenirgi ben per la me cultivazion…”
Paschino: “Olivia… fa conto ch’i abiu ‘nzamò firmà! A t’er diso per esperienza vissù. I se ciamo danari publici, e i speto solo a ch’i g’ha la Fortuna Briganta cume nuiautri. Pensa ch’a go fato presentà ‘n prugeto ar Ministero p’r sistemar er me borgo a spese delo Stato. Quindese milion, mia niciuline! Prugrama Inovativo Naziunale p’r la Qualità de l’Abitare. PINQUA’ ir ciamo, e me ho PIGIA’. E manco a me son acuntentà. A me son fatu abunar anche doi milion de oneri d’urbanizazion”
Olivia: “Spiega mei”
Paschino: “Eee, sto chì i è sta ‘r zogo de prestigio pù belo. Segua ben”
Olivia: “A son tuta urecie”
Paschino: “Dopo ‘r PINQUA a g’ho presentà n’prugeto ch’i preveda ch’er Comune i s’empegna a comprarse ‘n toco de borgo tuto scalamà per doi milion, chi me casco ‘n testa EN AZUNTA a quei delo Stato.”
Olivia: “Ah be, dagi per persi! Duv’i gi pia doi milion ‘r Comune de Sarzana da darte proprio a te?”
Paschino: “A parte che gh’è ‘r Re de Zena che (basta che ‘n te ghe parla der San Bartolomeo) i é sempre ben dispostu a sganciar, a te stupirò: a g’ho ito c’an gi voi… ”
Olivia: “Generoso!”
Paschino: “ E sì, cume no!… Cuntempuraneamente ho presentà ‘n piano per azuntar ar veciu borgo 8.000 metri quadrà de nuove costruzion cun lo sconto de (mira ‘n po’) doi milio d’oneri d’urbanizazion. E me a ‘ncasso!”
Olivia: “Cementoso!”
Paschino: “E senò che speranza a gh’aveo de vender ‘n borgo cadente, o p’r mei dire, mezo scalamà, con ‘n zima i oneri d’urbanizazion?”
Olivia: “Poghe”
Paschino: “Ora putosto a possu meter sur mercà 15 milion de lavori, n’espansion edilizia e doi milion de oneri d’ubanizazion da non pagare. Cume trasformar na zavora ‘n te na miniera d’oro! Eco… a fen cusì anche stavota… …ien de meno, ma cusì a se fen ‘n favore un cun l’autro”
Olivia: “Meritato premio per esserte sempre aduperà p’r er ben dela comunità. Aspeto che te me dia cum l’è andà. Ah… a me dimenticheo: le vache i te saluto dala Svizera”
<<La fine>>
Qualche tempo dopo.
Paschino: “Olivia bungiorno. Me fa piaser d’encuntrarte perchè a gh’ho dele nuvità sur tereno e sula cunvenzion”
Olivia: “Dime Paschì. Cum l’è andà?
Paschino: “’nsoma… stavota proprio così ‘ngenui ì n’en stà. Ar Comune i’eru d’acordiu, ma ‘n Consiglio ‘i an missu su ‘n casin de la madona…”
Olivia: “…e alora?”
Paschino: “ E alora i trezentomila fiorin a s’i scordén, e te te ten i veci passagi… A t’l’aveo ito: l’usucapón, cun le patate o senza, i g’ha remà contru… Però te po’ ciudir a urario e quando te vo te con la scusa che te gh’è da laurar. E la manutenzion di rigòi, d’le ciuse e dela vegetazion a ghe l’aven sbulugnà”.
Olivià: “ Vabè… t’è fato de mei, ma ì é cumunque un bel risultà… Quanto t’è ito che te vo’?”
Redazione Sarzana in movimento.
Disponibile traduzione in italiano.