La colpa l’è ‘na bela dona…
Sarzana, 1346. Infuria la peste nera, ma gli indefessi operai comunali sono al lavoro.
Bepin: O Giusé…
Giusè: Dime, Bepin, ma sta a doi metri de distanza!
B: Ma duman l’autro la gh’é ‘r mercà?
G: No,’mpusibile…’N t’er sé c’gh’é tuto serà…
B: Ar so sì, cust’ te creda… Manco ‘n’ ustaria d’ andarse a ber’n goto de quer bon… No, a ter diseo perché i g’an ato sto cartelo d’atacar…
G: E cus’gh’é scritu?
B: “Giuvedì, mercà”
G: E sì… Che strano… Disenlo ‘n po’ ar Cumandante prima d’far na belinà… O Cumandante…
Cumandante: Dime Giusé
G: Ma stu cartelo…
C: Giuv… Nooo, ma l’é ‘npusibile… A cunsumen le rode per cunvinzere i semi ch’i n’ an capì ‘n belin a turnarsene ‘n cà, e adé cus’ l’é sta nuvità? Fame ‘n po’ ciamar er Segretariu… Tritri Tritri… O Segretariu…
Segretariu: I me disa, Cumandante
C: Ma chi é ‘r belinon chi a ato’ r cunsenso p’r fare ‘r mercà?
S: ‘R presidente der Cunsiglio!
C: Chiiii, Rampi? I sarà quer chi sarà, ma i n’é davero cusì semo… (nota dell’autore: Rampi esisteva già nel 1346; e già allora era noto per le importanti iniziative che proponeva SOLO quand’era all’opposizione)
S: Ma che Rampi e Rampi… No, quer de Roma!
C: Ah, quer de Roma i a ito d’fare er mercà a Sarzana Giuvedì prosimo?
S: Ma figurete… No, i a lassà na belinada ‘n ter decreto, e noi a n’aven subito aprufità! P’rò, i me fa vegnir ‘n dubio c’la sia na belinada tropu grosa… I aspeta c’a ciamo l’Asesor ‘n vivavoce… Tritri Tritri… O Asesor
Asesor: I me disa, Segretariu
S: Ma a sen sicuri d’vuler cunfermare ‘r mercato giuvedì?
A: E certo! Se ‘r decreto i disa na belinada, chi se nuiautri per cuntradirlu?
C: I me scusa s’antervegnu, ma se i ghe diseu d’ salire su ‘n’ aquila e andar a schiantarse sur Parodi, ar fevimu?
A: Che c’entra l’aquila, suvvia! Qui interviene l’Alta Politica… Quale migliore occasione per dimostrare l’inettitudine del Governo?
S: E certo!
C: Me a me rifiutu… Gh’er disé vuiautri a Bepin d’andare a atacar ‘r cartelo…
S: A gh’er diso me… Tritri Tritri… Bepin?
Bepin: O Segretario, quale unore… I me disa…
S: Bepin, t’sen sta te a sulevar stu vespaiu d’r mercà? Areva ben l’urece: te, urtimo tra i urtimi, ‘n te te deve mai pù p’rmetere de meter boca ‘n te l’è decision superiori. T’é capì?
B: Meeee, me no davero! I è sta Giusé, quer vecio comunista rompibaloti. Er cartelo? I faga contu de vederlo ‘nzamó atacà…
Atto teatrale by Laura Lazzarini
Cum’ la finisa la storia?
ch’r popolo i ‘s’aribela e ‘r Podestà i’artira tuto: “me la corpa a’n la voi”!
Pensarghe prima no, eh?